今日好開心, 我個學生話俾佢我聽, 佢測驗分係全班第二, 其實只係補左短短四堂, 佢有咁既成績, 其實佢都算好聰明, 起碼我教佢佢即明而且記得~~ 真係開心^o^ 聽日又測驗啦, 希望都考得好啦…^o^

今日聽電台, 說了一個真人真事的感人故事, 有一個家庭出了一門六傑, 這六兄弟姊妹還湊了一大筆錢出來, 起一個圖書館造福人羣. 傳媒訪問他們, 原來他們是來自很窮的家庭, 他們的爸爸是做地盤工作的, 爸爸説, 小時候都沒有多餘的金錢給予他們栽培, 但他們也能成才是上天給他的六份禮物. 而當訪問他們六人時, 他們都說, 雖然爸爸沒有給予很好的環境去培育佢地, 但係佢地都好感謝他們的父親大人, 而佢地的成功, 佢地說了一句金句: “人窮, 志不窮”! 主持人梁繼章, 更補充說, 其實父母給過我們一口飯吃, 己足夠令我們感恩了…

很感人的故事, 很令人感動和反省的金句…

上年至今年的跨年音樂講座, 上星期二終於完滿結束, 今個星期二終於回復自由身, 反正又早收工, 同友人去了唱K, 其實而家都好少去唱, 7點唱到10點, 好耐未試過啦…唱了一首歌,想起一些往事…

中午時在電台聽了一首克勤的舊歌, 很好聽, 想起一些舊事…

回首   曲:周啟生 詞:因葵  

可不可能  還我自由
誰人能夠  忘情默然離去
有所保留
我愛得深  我愛得真
全是錯漏
誰人曾說  無窮誓言常有
我永不追究
只知道我在未來  孤單中一個繼續走

請不必再繼續懷念往昔溫柔
要是愛人離去沒法可補救
那些欺騙說話無謂再三回首
雖擁有最後己變舊

如能回首  如能暫停時光
若要它倒流
但願那天  但願這生
從未邂逅
如能回首  如能盡情回首
願放低所有
因知道這是盡頭  終於講出這個藉口

倒不如還我自由

今日俾學生放飛機, 好激氣呀!! 放飛機唔緊要, 但係冇俾電話我我覺得真係好過份囉…佢阿媽話佢唔記得左, 真係好唔好意思…雖然佢阿媽同我講左好多次sorry, 但係而家仲好激氣! 最激氣係我咁o岩冇帶個地址在身,所以唔係好sure係咪果個flat, 見冇人開門俾我, 咪以為自己記錯左地址…原來係佢阿爸未見過我,所以唔敢開門…於是打返屋企叫屋企人幫我搵我本schedule…搞完一輪,cfm我冇搞錯地址…跟住至發現今日俾人放飛機!

其實放飛機呢d真係成日有, 但我咁耐未試過係收唔到電話通知囉…我住佢隔離大厦都搞左成半個鐘, 真係唔知好彩定唔好彩…上個星期另一個學生45分鐘之前至通知我, 我己經覺得好激氣…估唔到一個比一個强…突然間有一種好唔受尊重同唔開心既感覺, 到底我既決定有冇錯呢? 下個星期就係last day, 未來呢幾個月我會點呢? 真係會work? 成日都咁問自己, 但係final answer都係, 俾兩個月時間自己, 唔得咪再搵工囉…反正呢份工真係做到好冇癮, 一定要走架啦, 中間呢個過渡期, 我一定要試一試每一個可能性同可行性, 決定了, 就做啦!

比賽上個星期公佈結果了…沒有入選100名內, 其實也是意料之中, 2千幾個參賽者, 第一輪入選也要22選1, 其實也不是易事…anyway, 過程才是最重要…

上個星期五冇去到公司annual dinner, 估唔到今日竟然都有禮物收, 原來冇去既人都有禮物收返, 真係估佢唔到…有四百元現金劵都好過丫, 因為我預左冇去就冇禮物架mar…

三個星期前, 把網友寫的詞轉為melody, 昨日終於有時間錄了個純音樂版, send了給她聽聽, 希望佢都鐘意啦…

在這間公司做了兩年多了,雖然是四份工之中做得最長, 但係卻係四份工之中最唔鐘意, 最唔開心的一份…人的忍耐力總係隨著人的年紀而增加, 我都唔明我做得咁唔開心都可以做兩年半…之前有一份工係大壓力到成日都哭, 但係都冇呢份咁唔開心, 果種唔開心唔係會哭出黎果種, 係平淡到連哭都唔會果種, 真係好痛苦, 又同d同事唔係咁o岩傾, 即係唔會同佢交心果隻囉…頭果一年其實都好想走, 跟住後來習慣左同佢地嘻嘻哈哈埋下堆, 但係其實都只不過係表面, 其實好多時佢地講果d野我都冇興趣…後來又發現習慣左果種感覺好差…其實習慣只係等如麻木, 明明係唔鐘意,我唔可以咁樣當冇時發生咁俾佢繼續落去!! …走了, 才發現我在這間公司除了得到金錢以外, 真係咩都冇, 真係諗起都覺得好失敗, gain左d咩呢….友誼亦都帶唔走…

除了工作之外, 亦覺得自己呢一兩年, 為了做自己想做的事, 放棄了很多東西, 包括與舊朋友相聚既時間, 關心下朋友近況, 或者識新朋友的機會等…有時都好驚…但係另一方面, 又覺得時間無多, 好想捉緊每一秒去做自己想做的事….但係另一方面與朋友見面的機會又真的越來越少…好驚冇晒d朋友…>_<...

突然好失落…

尋日連踩五場, 返到屋企幾乎成個人散晒..共踩左三份補習,上左堂, 同埋終於去左睇流年運程，咁大個女第一次睇～～尋日有一個係新學生, ok, 都唔難補, 仲用我而家另一個中一學生用同一本書, good! 

今日在ｓｍａｒｔｏｎｅ換了一峰音樂會ｔｋｔｓ，好開心．．．仲有夜晚屋企人食飯又換左小齊品源既ｃｏｎｃｅｒｔ　ｔｋｔｓ．．．ｙｅａｈ！今個月有三個ｃｏｎｃｅｒｔ睇呀．．．好野～～

話說上回講到, 個mm入左黎之後, 成為眾矢之的, 簡直係cheap到頂點, 人人得而株之!! 尋日仲寸到俾warning letter人, 點知佢今日反而俾人叮走, 真係好攪笑! 呢間到底咩公司黎架…不過anyway都係大快人心的! 今日成公司既氣氛真係好到不得了!!

都怪佢寸得太過份…三分顏色上大紅丫拿, 以為自己真係大阿姐丫拿…冇錯你係老闆請返黎管我地merchandising team, 但係你咁癈就唔好去到咁盡啦…你記唔記得邊個in你請你架….係我地另一個manager喎,..你竟然以為自己職位高過佢? 竟敢公然o係佢面前狂鬧佢既愛仗,仲俾warning letter 佢愛仗tim…當佢冇到呀…抵死丫, 你抄晒佢d人, 佢仲有得立足? 你唔好傻先得格…

其實呢…我個人覺得最勁既係另一個manager囉…老闆叫佢請多個人管我地merchandiser, 其實係想分薄佢既權力…果個manager梗係冇咁笨, 所以佢請返黎既人一定唔會係有真材實料囉…如果有,佢仲有訂企? 所以一定係請d睇落好得, 但係實際唔掂既人返黎…如果唔係佢請個咁癈既人返黎, 大家都唔會咁慘, 但係呢一次, 佢反而又做左大家既英雄, 真係高招高招…

估唔到咁快結局….仲諗住有排玩tim…阿車…

自從公司黎左個MM之後, 風風雨雨一直都未停過…雖然果個人頂級咁癈, 但係亦都超級咁識得扮野同埋玩手段, 咩都唔做, 淨係識得forward d email叫你去做, 同埋assign d 野俾你做, 但係佢自己唔識做架喎,亦一d都唔會做, 出黎做野咁耐, cheap精真係見好多, 越高級果d的確係越識玩野, 但係好似佢咁癈同咁cheap都係第一次見….真係大開眼界….奇景奇景…

話說聽日last day果個同事,有個quotation未做, 咁佢又assign俾某同事做, 果個同事梗係唔肯就範啦, 呢單野都玩左幾日架啦…今日終於開火…好寸好過份…仲出埋warning letter想迫人走….某同事俾佢激到返入黎哭…跟住有d同事都好激動都哭…入黎咁耐都未試咁樣…如果我唔resign, 呢單野受害者一定係我…

尋日好開心, 又收多一個學生, 一星期兩堂, 星期六係第一堂, 現在有五個學生了, 希望可以搵多五個以上…

近期好鐘意睇”棟篤狀王”, 好耐冇睇過咁好睇既電視劇, 超搞笑之中又有意思, 正呀! 好鐘意個男主角張默…嘻…

今日竟然出bonus! 當然冇我份, resign左梗係唔會俾bonus你, 正路, 但係個心梗係”chok”住度氣啦…勁唔開心…只差兩日…冇左成二千蚊! 在加上與朋友聊天, 知道朋友差不多有自己人工的兩倍, 覺得自己好似好冇用咁,越想越遠…哭了出來…

不過心情己經平伏下來, 謝謝友人的鼓勵, send給我的一些link看完之後真的平伏了很多, 對我幫助很大…真的很謝謝! 我會繼續堅持自己想做的事, 不會放棄的… 我會盡快放多些作品上網的呀…謝謝友人總在我迷失時把我pick up回來…

還要謝謝一個上年到今年都不停苦口婆心叫我快d resign搵其他工的那個同事, 找天我一定會親口多謝佢…雖然有時她是比較…哈哈…但優點也是心直口快,有果句講果句, 真的多謝她對我咁坦白, 雖然她說的我都知道, 但沒有人push我我反來覆去總下不了決定…

一二千蚊, chiu! 豪俾你! 好叻咩….