咁辛苦為乜?
做了這份工作兩個多月了, 感到非常辛苦, 日日做足10個半鐘, 但係d野都係做極都做唔晒, 有時仲要帶d野返屋企做, 簡直想死!
成日都係度諗, 我咁辛苦到底為咩呢? 為理想? 又好似未至於喎! 我係幾鐘意做教師, 但係果種全心全力付出, 好似連自己都唔見左既感覺真係有d難受. 每一日做到死, 返到屋企淨係想訓, 放假又淨係想訓既感覺真係幾難受~~
連自己最喜歡既結他同跳舞, 都唔想做, 因為呢d都係需要用腦既活動! 自從做左呢份工之後, 每逢放假只係想做一d無意義, 同唔使做腦既野! 例如行下街買野, 或者冇野做周圍行下都好咁~ 唔係太鐘意呢種感覺….
為錢咩? 梗加唔係啦! 以我而家呢個工作量黎講, 我真係覺得唔係多錢囉! 咁唔係為錢, 又未至於去到話為理想, 咁我到底為d乜?? 經濟越黎越好, 教師更加唔係一個好pay的工作, 更何況而家做教師d人工低過以前好多…
我到底為d乜?? 呢個問題開始反覆咁o係我腦海出現…上網八下有咩工既freqency亦越黎越高…轉左呢份工之後, 我知好多親朋戚友都好戥我開心, 我再轉的話一定會令好多人失望…包括我屋企人…但係…如果我找到更好的…我想我一定會再轉, 雖然我都很累很想找一份工作安定下來…哎…
同埋…我只想身體健康…但係做左呢份工之後, 身體狀況直線下降….
我覺得生活唔應該係咁…
回應(7) | 回應的RSS | 暫時未有引用通告| 
(0)
2006 十一月 17 at 10:03 pm 原來你都係教師, 大家都係身同感受, 同樣d工作做極都做唔完, 帶返屋企都死, 長時間工作, 簡直人都癲~~~
2006 十一月 17 at 11:39 pm 為人師表，如果無抱負無理想無熱誠去支牚，真係一份好惡頂o既工作。
2006 十一月 18 at 6:43 am 小心身體為上,
我識得好多教書的朋友都話勁忙,
有d頂唔順都轉工lu
支持你......
2006 十一月 19 at 7:36 pm 倩儀: 同你一樣, 突然間覺得, 咩理想都越黎越冇咁重要, 淨係想要返自己既時間...哎...
小鹿: 真係少d心力都挨唔過去...
drummer: 轉入呢行就話難jei, 轉返出去其實真係好易...可能我本身身體唔算好, 所以真係支持唔到咁長時間咁工作法...
2006 十一月 23 at 1:25 am 同意小鹿的說法。 我都在教育界打滾了很多年，對! 不應該把教育當是一份工作，這樣做的話，結果只會是苦了自己, 亦苦了學生。
你要找出你的「使命」感，試想想你現在教的學生，他們的前途正在操控在你手中，所以身為教師的你是很重要的。你正在編寫著很多人的故事和回憶，你不覺得這是很有趣的事嗎？
做教育最開心就係見到自己的工作能夠幫助到別人，亦或令別人從中有所啟發。
見到別人因自己作的事而開心，而最終亦令自己更開心。就好像醉翁亭記所講的一樣，「人知從太守遊而樂，而不知太守之樂其樂也。」哈哈!!
當你能成功把教育當作是自己人生的「使命」時，不把教育當作只是一份朝8晚5的工作，你便不會覺得辛苦了。
加油~!
P.S. 如果你不能把教育當作是自己的「使命」，即是教師不是你的理想工作。
2007 二月 21 at 10:43 pm 你條友仔好耐冇見你上黎,
你最近好ma?
祝你一切順利啦.
2007 三月 12 at 2:14 am to drumer: okay啦,你呢? 我己經沒有上學期咁忙,好好多了...可是由於沒有寫blog的衝動,所以己經封塵了一段日子...>_~