星期日終於去左蒲台島,其實我同阿媽易拎都想去左好耐,上次去南丫島時,本來其中一個方案係去呢度架….今次終於去到啦~~~yeah!!

雖然天文台話會有雨,但係我地都照去 (因為plan左唔去會好掃興架!!). 我地兩個在北角上船(9:15am),景少就在觀塘上船會合我地,本來諗住搭1.5hrs的船會好悶,點知又唔係喎….可能係細船,所以好有feel….行出去船頭吹下風…爽呀!! 又可以影下沿途既風景, 真係唔覺唔覺就到達啦~~

我地決定去睇左”巫氏古宅”先(果邊原來係山路!!), 可惜我地行到半路, 天色就越黎越暗, d 蜘蛛出晒黎結佢地既網, 嚇死人啦!!  我地沿途避過左好多蜘蛛網, 友人亦狂影左好多蜘蛛既大特寫!! 好變態~~~ 由於天色真係越黎越黑, 兩位友人都話咁樣落去會連蜘蛛網都睇唔清, 到時會避都避唔到, 所以我地唯有原路折返….唔制呀….

原路折回碼頭附近果間士多抖一陣, 冇幾耐就落雨啦…好彩走得快!! 唔係d蜘蛛網真係照頭淋落個頭度!! 阿媽俾d蚊叮到傻左, 好彩士多老闆娘有d止癢膏賣, 哈!! 本來諗住要在士多滯留到3:30pm至有船走, 點知d雨又落一陣就落完啦喎~~ 仲出太陽tim喎!! Yeah!!

於是我地又出發啦~~今次行另一條路, 呢邊d路原來開揚d同埋易行好多 (因為政府開左d 路徑出黎), 呢邊有好多奇形怪狀既石睇, 如: 佛手岩(右上圖), 憎人石等…不過呢d石既野,你覺得佢似咪似囉,見到咪見囉,唔使當景點一個一個咁搵出黎既~~ 行既過程反而係最重要….

總括而言, 如果你去得南丫島呀長洲呀去得太多, 呢個地方係值得一去既~~

蒲台島的相關結連:

http://nicholaswong.no-ip.info/?cat=5&paged=2 

http://www.hike-x.com/hiking40.htm 

友人的相薄結連:

http://community.webshots.com/user/tokitonight

http://cryingiori.spaces.msn.com/PersonalSpace.aspx?_c01_blogpart=myspace&_c02_owner=1&_c=blogpart