做了這份工作兩個多月了, 感到非常辛苦, 日日做足10個半鐘, 但係d野都係做極都做唔晒, 有時仲要帶d野返屋企做, 簡直想死!

成日都係度諗, 我咁辛苦到底為咩呢? 為理想? 又好似未至於喎! 我係幾鐘意做教師, 但係果種全心全力付出, 好似連自己都唔見左既感覺真係有d難受. 每一日做到死, 返到屋企淨係想訓, 放假又淨係想訓既感覺真係幾難受~~

連自己最喜歡既結他同跳舞, 都唔想做, 因為呢d都係需要用腦既活動! 自從做左呢份工之後, 每逢放假只係想做一d無意義, 同唔使做腦既野! 例如行下街買野, 或者冇野做周圍行下都好咁~ 唔係太鐘意呢種感覺….

為錢咩? 梗加唔係啦! 以我而家呢個工作量黎講, 我真係覺得唔係多錢囉! 咁唔係為錢, 又未至於去到話為理想, 咁我到底為d乜?? 經濟越黎越好, 教師更加唔係一個好pay的工作, 更何況而家做教師d人工低過以前好多…

我到底為d乜?? 呢個問題開始反覆咁o係我腦海出現…上網八下有咩工既freqency亦越黎越高…轉左呢份工之後, 我知好多親朋戚友都好戥我開心, 我再轉的話一定會令好多人失望…包括我屋企人…但係…如果我找到更好的…我想我一定會再轉, 雖然我都很累很想找一份工作安定下來…哎…

同埋…我只想身體健康…但係做左呢份工之後, 身體狀況直線下降….

我覺得生活唔應該係咁…

話說o係開學既時候, 副老闆己經briefing左幾個人(包括我), 係要負責入學生既成績既data entry…

5個人當中, 有3個係teaching assistant, 有2個係合約教師(我係其中一個). 但係佢地每個人都係負責1個班級既data entry, 而係我就要負責兩級(P.5 & P.6)! 果時己經覺得有d唔公平喎…但係心諗…算啦…都係考晒試至入data o者…果時清閒d, 做多少少冇所謂啦….

點知, 前兩日至發現, 我負責既P.6, 係連評估都要出成績表! 即係話, 我未到term end, 我己經要做多人地一around既data entry! 搞錯呀! 我己經做多人地一個級別, 果個級別仲要係比人地入多2 around, 有冇再唔公平d呀! 想做死人咩!

本來我做得到, 我都諗住頂埋佢, 但係我d野真係多到想死, 手頭上堆積既野己經冇可能做晒, 仲要做埋呢d? 唔係下mar! 我日日做到7點d野都做唔晒, 好多時都攞野返屋企做. 如果再做埋呢個data entry, 我可以肯定我一定會癲, 並加速我辭工既爆炸力!

於是果日, 做左一個決定, 就係入左副老闆房, 同佢講, 呢個task我真係頂唔到, 因為我手頭上有好多野未清到…於是佢講完一輪, 當然冇可能將d野推俾人啦, 但係佢都肯幫我做調動, 呢個task佢會搵teaching assistant做左先, 然後, term end我要做返果個人data entry果part….都好丫, 大佬, 起碼俾佢知道, 我唔係好得閒冇野做架! 唔好咩都assign晒俾我至得假!

o係學校呢個atomsphere, 我唔知會唔會好似商業社會咁, 可以話俾老闆聽, 聽單野我真係頂唔到…佢地好似好少會咁做…但係我都唔理啦…講左!

於是, 今日有個新同事八番俾我聽, 佢在佢果邊staff room, 聽到d老師講, 話我唔肯入分….頂丫! 唔係下ma…我遲d要做返果個人d野架喎…佢地到底知唔知架! 算! 總之我問心無愧, 但係俾人誤會個心點都有d唔舒服, 唉…

 唔通又係我既問題?

尋日第一次在學校發脾氣, 不能否認, 我是一個有點情緒化的人, 在用盡氣力都做唔晒d野既情況下, 仲要發生以下既事件, 我的情緒終於爆發出黎…話說件事係咁既:

話說有個同學唔見左份數學卷, 數學老師寫左好多次手冊, 佢都交唔到份卷出黎, 數學老師於是找佢張桌既櫃, 只發現到份中文卷, 於是就懷疑佢發夢交錯左數學卷俾我…於是走黎問我…

「你有冇見過佢份數學卷呀? 我懷疑佢交錯左份卷俾你…」

「冇喎…我即堂收架喎…但係又唔係好覺佢交錯左數學卷喎…應該唔會掛…」

不過都俾d卷佢搵下啦…點知真係俾佢搵到!  一睇之下, 頂丫…份數學卷中文字仲多過數字…真係收錯左都唔覺架喎…不過果一刻都有d唔好意思, 話晒份卷都係o係我個位發現…

點知, 轉頭個班主任又黎車輪轉…問我有冇見過果個同學的數學卷…本來佢咁問, 我咪咁答囉…

「哦, 係呀, 我知呀, 佢交錯左俾我, 我己經俾返阿咩老師啦…」

「o下…真係o係你度呀…份卷收左好幾日架啦喎…你唔發現架咩…你下次收左卷要即刻對架啦, 你要對下有冇家長簽名架嘛, 冇理由收左咁多日, 你都唔發現收左份數學卷架…」

佢係有d勞氣既語氣同我講, 可能佢都為左呢單野煩左好耐啦…(但我知佢係冇心既)

但係我果一刻個人聽到都好燥, 心諗: 大佬, 我好想架咩! 我唔係d野多到我都控制唔到, 我都對左d卷啦, 我都知要即刻對會好d, 但係, 我真係唔知做邊樣先…

加上果日, o係我咁多野都做唔晒之下, 枱面仲要突然多左一堆老闆俾我既data entry的task俾我做, 所以我果日個人真係好燥!

於是火都黎埋, 個面口即係變左, 然後將手中既file有少少大力咁放在枱上, 相信旁邊既人應該睇得出我係火緊…

有d失禮…唉…但係我真係控制唔到果個moment既情緒…

搞完一輪, 旅行計劃看來都是泡湯, 不過christmas去邊度都凍, 我地又check得太遲, 都係等復活或暑假至去啦~~

睇睇校曆表, 原來下學期真係好鬼多假架喎, 一諗起咁樣, 依家點辛苦都抵返晒啦, 算啦! (唯有咁諗至有工作既原動力!)

年頭plan落自己想做既野, 有幾樣都做左, 包括轉做教師, 但係重有一樣未做, christmas去唔成旅行, 不如趁christmas搞掂埋佢啦~~

仲有好多野未做, 未上手之前堆積落仲有三篇文未改, 3x27=81, 救命, 下個星期又要作另一篇, 看來今日真係要清左佢! 都係offline然後開工啦! 哎~ 今天是星期天呀,天呀!

今個星期雖然返左四日, 但係就辛苦到想死, 因為要開行turbo改晒d作業, 等d學生可以在sat同sun温習. 下星期就係評估週啦, 唔知d學生考成點呢, 希望唔好太差啦~ 尤其係一年級果班, 真係有d期望架~ good luck!

好想去旅行, 到底係去美加凍死好, 定係去星馬避凍好呢? 但係無論如何都想去出去抖下氣!

~~~~~~~~~~~~~~~~~~~~~~~~~~

近期一首好好聽既歌…

紅綠燈

歌手：鄭融 | 作曲：張家誠
填詞：陳少琪 | 編曲：嚴勵行 / 鍾興民

從小老師也加倍認真 來教導我步過紅綠燈
右與左 必須清楚看真
那管一次做錯 也都可摧這生

何解我戀愛雙倍殘忍 從來是快樂過便不會僥倖
動作小 簡單偏偏最深
我怎可以做個 最優秀路上行人

明明綠燈 轉眼變成紅燈
假使相當勇敢 怎可挽回自身
若要衝 損傷怎可以不留痕
來又去 要找的際遇未接近

明明綠燈 轉眼變成紅燈
抬頭前望去 對面馬路如此吸引
逐秒等 心急總加倍的難行
難道我 要必先壯烈地犧牲 去換吻
如夜了 我衣衫太薄便歸家 靠路燈

誰想到走錯死裡逃生 才明白較沒有夢想更不幸
若誕生 不好好開過心
也不可以被愛 我不過是像泥塵

歌曲試聽: http://hk.music.yahoo.com/song.html?songid=258085

昨天, 去了一峰一人一結他音樂會, 主題是make it happen, 原以為會有輕鬆興奮甚至是刺激的氣氛, 可是一峰唱的還是sad mood的歌比較多一點. 原本想去散散悶氣, 結果卻剛剛相反…是我逃不過他的歌聲, 還是逃不過那些記憶? 還是現在的壓力實在太大?

原本是買不到飛的, 但是自己偏要去踫一個最後的運氣, 找到人讓一張飛給我…原本電話突然壞了, 聯絡不到賣飛給我的人, 差點看不到這場音樂會, 但是自己卻用盡方法, 終於入場前能夠拿到那張飛…

明明是註定我看不到這場音樂會, 自己卻偏要去看, 結果看完更加不開心…都是我找來的嗎? 做人是不是應該順應天意才會舒服一點? 或者我真的想得太多了…

一峰的歌我依然喜愛, 但我只會重覆聽著那些調子輕快開心的. 傷感的雖然是好聽, 但是卻令人又愛又恨, 感覺很深刻但聽了後卻不能自己…

希望有一天, 一峰只唱那些調子輕快的. 又或者, 希望有一天, 我只對調子輕快的歌產生反應…

終於等到三日假期啦! 由開學等到依家, 終於等到啦~ yeah!

呢一兩個星期, 終於有少少上左軌道既感覺. 不過由於之前未上手果時, 堆積左好多野未做同未改, 所以呢個星期好似上左摩打手咁, 飛快咁改簿同趕進度, 加埋呢三日假期, 希望可以清晒d野啦~

下個星期係温習週, 唔使教書, 主要係同d小朋友温習, 同埋要清晒所有評估範圍內既作業, 好想同一年級果班溫得好d, 想佢地評估出黎有好成績, 所以今日己經諗定會點樣同佢地温啦! 咁點解會咁呢? 因為我偏心呢班囉!

呢一兩個星期, 小息帶佢地落去操場果時, 佢地個個都好大聲好肉緊, 同好似好唔捨得咁同我講Byebye (但係小息之後都仲有我堂架喎~), 個心己經即時甜晒架啦~ 今日放學果時, 又有兩個呢班既學生o係人堆裏面見到我, 跟住又好遠距離咁大聲叫我, 同我Byebye呀, 想唔偏心佢地都唔得啦~~ 真係幾辛苦都抵返晒!

三年級果班, 雖然我真係好唔鐘意呢班, 不過佢地己經冇以前咁難搞啦. 今個星期作文既題目係 “給老師的信”, 內容係感謝你最想感謝既老師, 嘩~~ 竟然都有幾個係寫俾我架喎, 果幾個仲係我諗都冇諗過佢地會寫俾我. 其中有一個最深刻既, 係話佢初初好憎我, 但係自從有一次佢病左, 我好關心咁問佢有冇事之後, 佢就漸漸鐘意我喎…D小朋友有時真係好sensitive, 估唔到咁細微既野佢都會記住咁耐架喎~

 

有幾個最頑皮既學生, 原來佢地都有最鐘意既老師架, 睇佢地寫俾果個老師既文章都幾sweet架, 果一刻突然覺得, 其實佢地都唔係咁差既jei, 有得教既! 我要做佢地第二喜愛既老師至得!

 

~~~~~~~~~~~~~~~~~~~~~~~~~~~~~~~~~~~~~~~~~~~~~

十一月又有炸彈, 朋友都紛紛結婚, 自己都仲未找到Mr. Right…順其自然啦! 未搵到唯有寄情我既工作!

 

~~~~~~~~~~~~~~~~~~~~~~~~~

在OK便利店買左本關於北海道既書, 於是突然間好想去北海道, 但係一個咁浪漫既地方, 要同情人去至o岩mood架喎, 所以都係睇住書仔先啦~~