昨天早上九時半收到學生打來的電話, 成績考得不太好, 數學科己經是考得相對上比較好的科目. 其實我個人也預計他的數學成績會在C與D之間, 心裡當然是想他考到C級, 但是D也是意料之中, 所以他告訴我時我也沒有太大意外.

作為補習老師, 雖然去考試的最後是學生而不是自己, 但他出來的成績也代表著我的心血, 當然不是說個個學生也要拿A, 而是希望他真的有進步, 而那個進步又能夠反映在考試成績之中, 並且越明顯越好.

他告訴我他會轉讀商科, 也不錯呀~~ 考得不好不緊要, 最重要是目標清晰便行. 本來想問他有沒有想過報讀演藝學院 (因為他也蠻有音樂天份), 但既然他也有決定, 我也沒說出來了…

前兩天終於收到, 我最擔心她升唔到班果個學生的媽媽打黎, 話俾我知佢個女maths雖然唔合格(但應該升到班), 但係佢話佢覺得個女都進步左好多, 同埋覺得她對數學既興趣比以前多左同埋獨立左, 聽佢咁講, 我都有返d安慰, 佢仲話佢個女仲成日問佢我暑假幾時會黎, 聽到呢句我真係開心架~~

短短兩三個月, 其實進步有幾多真係因人而異, 要睇返本身學生既基礎打得好唔好, 同埋有冇果種吸收能力. 如果小學既基礎都未穩, 就要教佢中學既野, 咁就算有大進步, 都未必可以o係考試卷既分數果度大幅度咁反映出黎. 但係話雖如此, 唔係個個學生家長都明呢樣野, 因為好多香港既家長都好急進架ma….所以真係好開心架~~ 話晒真係用左好多心血去教架呢個學生~~

 

暑假會take 30 lessons…我諗最多都係呢個學生架啦…good~~

星期一是某學生考試前既last lesson, 補完之後其實真係好唔開心, 因為我可以肯定既係佢今次考試一定死梗 (除非佢份卷超級易同埋straight forward,但一定冇可能)…由於佢既成績一向都唔好, 所以如果佢今次考試如果冇六科合格佢會升唔到班…當中梗係包括數學要合格啦…唉…

由4月到而家, 大家用左好多心機同努力, 其實佢都進步左好多架啦…可惜既係同考試要求合格既level仲有些距離 …佢媽媽都知佢未得, 6月中開始己經要求加鐘及加堂, 希望個女升到班…但係…唉…如果真係因為得數學呢科而升唔到班真係好慘…希望佢升到班啦…

可以做既都做晒, 可以話盡晒人事…但係如果佢唔得, 我都會唔開心…總係覺得自己係有少少責任咁…

其實學生最難搞既就係”懶!”, 冇自發性去自己做數, 你明明堂堂都assign左d數俾佢做, 佢唔做你真係吹佢唔漲架喎…但係一個星期我黎果一兩日, 每堂得果個半鐘, 你又咁多野唔明, 我陪住你做數做得幾多條丫, 你諗唔到我又要俾hints你喎…你平時自己唔做數, 你考試係冇可能”獨立”咁handle一條數架 !!! 都講過好多次架啦  …唉…

有兩個學生都係咁, 另一個聽日考啦…祝佢好運啦…今日同佢補last果堂, 又係assign左d野俾佢又唔做, 激死! 有d野佢唔係好記得, 希望佢今晚快d温返啦…不過呢個學生其實都有d小聰明, 希望佢考得ok啦…

只有一個學生未考試…今個星期開始清閒了…雖然下個星期有幾個學生都restore tutorial class…但係都有幾個係暑假停一停…

船到橋頭自然直…有d野未決定點做, 就諗到點做至做啦…

五天的代課生活終於過去, 呢幾日真係忙到顛左, 辛苦到死! 五天, 雖然做得唔係太開心, 但係真係一個很好的體驗, 除了有不錯的收入幫補下之外, 亦俾我早d清楚知道而家教書原來係咁樣, 把自己從理想化角度拉回至現實世界….

雖然代課前己致電湯米及阿東取經, 朋友們都己提醒我不要期望過高, 不要期望能教懂他們什麼, 能夠有效地管理課堂秩序己經很好了! 果然沒錯! 第一天, 雖然不用代數學課堂, 但己把我激到半死!  由於請了假的那個老師, 他除了教數之外, 也有教D&T, 所以他的所有D&T堂我都要去代堂 (其實係入到去叫佢地自己做自己野), 雖然如此, 但係都足以激到我半死!

走黎走去啦, 攞D UNO或PAIR牌出黎玩啦, 睇雜誌啦, 攞部電話出黎播音樂啦, 總之咩都有, 就係冇人會攞D功課出黎睇,因為佢地都唔帶書返學既! 而你鬧佢佢當你唱歌! 可能我的底線太高, 第一天真係好唔習慣, 加上用左好多氣鬧佢地, 又未有MIC, 所以返到屋企真係超辛苦, 返到屋企死咁滯!

其實最難頂的都不是代D&T的課 (因為不用教書), 而是代中三某班的數學堂 (我是暫代他們的班主任兼數學老師), 當一班之中有3個人長期唔返, 其餘既人在你教書時在走黎走去, 坐在後排玩uno呀, 訓覺呀, 而真正聽書既學生只得兩個! 就會覺得好frustrate, 好唔開心! 除了果兩個學生之外, 佢地個袋裏面係冇書架! 咁都得?? 咁返學黎做咩呀, 唔好返啦不如….唉, 真係一代不如一代…

本來代課期可以extend到下個月底, 但係詳細諗過之後, 決定唔會留低, 因為覺得好冇癮, 同埋覺得好似燃燒緊自己既光陰的感覺….本來學生唔聽書都算 (其實我第四,五日代課時我都費事鬧人,佢有佢玩,我有我講書俾果兩個學生聽),但係某些學生既言語挑釁真係好難忍!  

加上地點太遠, 同埋我返黎仲要直踩補習, 真係一日訓得果5,6個鐘….好辛苦, 又唔開心, 真係幾多錢都係假! 唔do!! 不過而家仲有d肉痛既感覺…因為代多一個月都幾好paid架 

不過有一樣小小安慰係…我最後走果日, 有幾個學生在出面等我, 同我say goodbye喎…雖然我知道係校長嚇佢地, 話我唔教, 就會冇老師教佢地, 叫佢地tum返我返黎, 佢地至會有人黎搵我jei…哈哈…不過都叫做有返d安慰…