今日終於網上報左稅啦! 話說上個星期突然間驚醒自己好似收過報稅表, 但係封信好似放左成個月有多啦喎~~ Oh, shit!! 又過左期 (冇錯係又!)~~ 由於本人生平最憎就係塡form, 所以一直都放埋左一邊…

一直都覺得塡form好麻煩, 尤其是呢一類, 年年都要將自己的個人資料, 由頭再塡一次, 簡直費時失事! 而且其他報既野都係差唔多, 又塡! 真煩~!!  所以今年決定用網上報稅, 真係good呀!! 如我所想, 好多部份都根據我上年的資料填好晒俾我, 我只係input 返少少資料,同埋對返d野有冇錯就可以完成!! 真係感覺好好!! 佢仲有一個好處就係你交完form後, 佢會即時可以幫你計一計你大約要交幾多稅~~

如果未交表既朋友可以試一試, 登記都好快架乍!! 打電話去1832033登記(1分鐘內完成架啦!), 三日後佢會寄封信通知你個”啟動密碼”, 你就可以在網上塡表架啦…(到時封信都會教你點login的)….幾方便, good!