人生不如意事十常八九, 能將不開心不如意的事, 轉化成正能量和動力, 是很不容易的事, 但正正是把整個局面完全扭轉過來的關鍵, 是失敗和成功之間的分界線, 所以一切只在乎你自己的看法, 只要看得開, 再將動力轉化, 一切的問題都會比想像中容易解決, 容易處理…
情緒指數是處理問題的關鍵, 我會努力學習控制自己的情緒, 不要把負能量散開, 再把它轉化, 我會努力!
明天我會盡我所能, 做到最好, 要是失敗了, 也是一個experience, 沒有什麼大不了!
做人, 最重要的還是開心, 不要把自己鑽進牛角去啊~ 加油!
回應(1) | 回應的RSS | 暫時未有引用通告| 
(0)
終於睇左期待以久的Gwen Stefani concert 啦, 四個字形容: 超..超..超正呀!!
我地坐的位置很好, 280飛既第一行仲要係正中喎! 真係多得kk在internet一開賣就買飛才買到咁好既位乍!
基本上係除左幾首慢歌我地係坐係度靜靜欣賞之外, 其餘都係企企企同跳跳跳同叫叫叫!!!
高潮位係gwen竟然衝左落個台下面,然後向我地平價飛既觀眾跑過黎呀!!!
o係我地d平價飛既觀眾己經失控咁衝落去既時侯, gwen又再跑去平價飛的左邊, 跟住仲爬上欄杆上近距離咁同我地唱歌tim呀!!!
好開心呀!! 好似我果d失控衝左落去右邊既觀眾, 就求其見坐位就企上去, 希望睇得佢清楚d mar!!
成晚都好正, 她的live很好, 個mic離到超遠都超好聽, 快歌又跳又夠氣, 真係好鐘意佢!
雖然佢既舞冇fergie咁正, 但係佢除左唱快歌勁之外, 唱慢歌都超正, 很真實, 有點貼近聽一峰的那種感覺~~ 而事實上, 一峰也曾經返唱過她的”cool”, 也十分好聽啊!! (不過唔見到一峰同at17,唔知佢地有冇去呢?)
聽完concert出到黎, 我地至發現把聲原來沙左, 噢! 
Rundown:
1. Sweet Escape, 2/ Rich Girl, 3/ Yummy, 4/ 4 in the morning 5/ Lucurious, 6/ Early_winter,7/ Wind it up, 8/ Danger Zone, 9/ Hollandback girl ,10/ Wonderful Life 11/ Now that u got it 12/ Breaking up 13/ Dont get it Twisted 14/Cool 15/Oranger country girl 16/ The Real Thing 17/Encore - What are you waiting for
我冇影photo, 不如睇人地果d~~呢個blog有好多, 仲影左好多明星:
http://hk.myblog.yahoo.com/jw!6QJMFM2aH06PJbWkQG5r/article?mid=3542
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
Gwen Stefani MV 推介 :
4_in_the_morning(一首很耐聽的慢歌): http://www.artistdirect.com/nad/window/media/page/video/0,,4113720,00.html
Cool (講述與ex bf再見亦是朋友的感受的歌曲, mv裏現在與舊回憶的片段互相交替, 比只聽mp3的感覺更蕩氣迴腸): http://www.artistdirect.com/nad/window/media/page/video/0,,3490497,00.html
回應(5) | 回應的RSS | 暫時未有引用通告| (0)
很久沒有update這個blog了, 原因是沒有心情, 沒有動力, 今天朋友說我很久沒有update, 才有一點點動力去update一下…
這陣子正在找工作, 不經不覺, 這個暑假差不多己經過了一個月啦, 只剩下半個月左右, 時間真過得快, 旅行返黎之後, 找工作己經找了兩三個星期了, 開始有點著急, 因為我的有薪假期快要完結啦, 真煩人~
不過很久沒有這樣heir了, 可以說是真正的休息, 無論在身體上或心靈上, 我的確需要這樣的一個休息, 這一年真的很辛苦, 我只能夠說我不能承受某種的壓力模式, 雖然知道再轉field真的好不容易, 但是勉強下去也不是一個好的解決方法, 我只能說這是我的最後決定…
這陣子買了很多東西, 真大鑊! 是relax,還是在減壓,還是在逃避問題, 我己經分不清, 反正買了之後開心些就是了, 使多d錢才有動力去找錢, 哈~
希望快點可以找到合心意的工作吧~ 在家真的超悶!
多謝同我慶祝生日同send message俾我的朋友, really thanks!
回應(4) | 回應的RSS | 暫時未有引用通告| (0)
做了這份工作兩個多月了, 感到非常辛苦, 日日做足10個半鐘, 但係d野都係做極都做唔晒, 有時仲要帶d野返屋企做, 簡直想死!
成日都係度諗, 我咁辛苦到底為咩呢? 為理想? 又好似未至於喎! 我係幾鐘意做教師, 但係果種全心全力付出, 好似連自己都唔見左既感覺真係有d難受. 每一日做到死, 返到屋企淨係想訓, 放假又淨係想訓既感覺真係幾難受~~
連自己最喜歡既結他同跳舞, 都唔想做, 因為呢d都係需要用腦既活動! 自從做左呢份工之後, 每逢放假只係想做一d無意義, 同唔使做腦既野! 例如行下街買野, 或者冇野做周圍行下都好咁~ 唔係太鐘意呢種感覺….
為錢咩? 梗加唔係啦! 以我而家呢個工作量黎講, 我真係覺得唔係多錢囉! 咁唔係為錢, 又未至於去到話為理想, 咁我到底為d乜?? 經濟越黎越好, 教師更加唔係一個好pay的工作, 更何況而家做教師d人工低過以前好多…
我到底為d乜?? 呢個問題開始反覆咁o係我腦海出現…上網八下有咩工既freqency亦越黎越高…轉左呢份工之後, 我知好多親朋戚友都好戥我開心, 我再轉的話一定會令好多人失望…包括我屋企人…但係…如果我找到更好的…我想我一定會再轉, 雖然我都很累很想找一份工作安定下來…哎…
同埋…我只想身體健康…但係做左呢份工之後, 身體狀況直線下降….
我覺得生活唔應該係咁…
回應(7) | 回應的RSS | 暫時未有引用通告| (0)
話說o係開學既時候, 副老闆己經briefing左幾個人(包括我), 係要負責入學生既成績既data entry…
5個人當中, 有3個係teaching assistant, 有2個係合約教師(我係其中一個). 但係佢地每個人都係負責1個班級既data entry, 而係我就要負責兩級(P.5 & P.6)! 果時己經覺得有d唔公平喎…但係心諗…算啦…都係考晒試至入data o者…果時清閒d, 做多少少冇所謂啦….
點知, 前兩日至發現, 我負責既P.6, 係連評估都要出成績表! 即係話, 我未到term end, 我己經要做多人地一around既data entry! 搞錯呀! 我己經做多人地一個級別, 果個級別仲要係比人地入多2 around, 有冇再唔公平d呀! 想做死人咩!
本來我做得到, 我都諗住頂埋佢, 但係我d野真係多到想死, 手頭上堆積既野己經冇可能做晒, 仲要做埋呢d? 唔係下mar! 我日日做到7點d野都做唔晒, 好多時都攞野返屋企做. 如果再做埋呢個data entry, 我可以肯定我一定會癲, 並加速我辭工既爆炸力!
於是果日, 做左一個決定, 就係入左副老闆房, 同佢講, 呢個task我真係頂唔到, 因為我手頭上有好多野未清到…於是佢講完一輪, 當然冇可能將d野推俾人啦, 但係佢都肯幫我做調動, 呢個task佢會搵teaching assistant做左先, 然後, term end我要做返果個人data entry果part….都好丫, 大佬, 起碼俾佢知道, 我唔係好得閒冇野做架! 唔好咩都assign晒俾我至得假!
o係學校呢個atomsphere, 我唔知會唔會好似商業社會咁, 可以話俾老闆聽, 聽單野我真係頂唔到…佢地好似好少會咁做…但係我都唔理啦…講左!
於是, 今日有個新同事八番俾我聽, 佢在佢果邊staff room, 聽到d老師講, 話我唔肯入分….頂丫! 唔係下ma…我遲d要做返果個人d野架喎…佢地到底知唔知架! 算! 總之我問心無愧, 但係俾人誤會個心點都有d唔舒服, 唉…
唔通又係我既問題?
尋日第一次在學校發脾氣, 不能否認, 我是一個有點情緒化的人, 在用盡氣力都做唔晒d野既情況下, 仲要發生以下既事件, 我的情緒終於爆發出黎…話說件事係咁既:
話說有個同學唔見左份數學卷, 數學老師寫左好多次手冊, 佢都交唔到份卷出黎, 數學老師於是找佢張桌既櫃, 只發現到份中文卷, 於是就懷疑佢發夢交錯左數學卷俾我…於是走黎問我…
「你有冇見過佢份數學卷呀? 我懷疑佢交錯左份卷俾你…」
「冇喎…我即堂收架喎…但係又唔係好覺佢交錯左數學卷喎…應該唔會掛…」
不過都俾d卷佢搵下啦…點知真係俾佢搵到! 一睇之下, 頂丫…份數學卷中文字仲多過數字…真係收錯左都唔覺架喎…不過果一刻都有d唔好意思, 話晒份卷都係o係我個位發現…
點知, 轉頭個班主任又黎車輪轉…問我有冇見過果個同學的數學卷…本來佢咁問, 我咪咁答囉…
「哦, 係呀, 我知呀, 佢交錯左俾我, 我己經俾返阿咩老師啦…」
「o下…真係o係你度呀…份卷收左好幾日架啦喎…你唔發現架咩…你下次收左卷要即刻對架啦, 你要對下有冇家長簽名架嘛, 冇理由收左咁多日, 你都唔發現收左份數學卷架…」
佢係有d勞氣既語氣同我講, 可能佢都為左呢單野煩左好耐啦…(但我知佢係冇心既)
但係我果一刻個人聽到都好燥, 心諗: 大佬, 我好想架咩! 我唔係d野多到我都控制唔到, 我都對左d卷啦, 我都知要即刻對會好d, 但係, 我真係唔知做邊樣先…
加上果日, o係我咁多野都做唔晒之下, 枱面仲要突然多左一堆老闆俾我既data entry的task俾我做, 所以我果日個人真係好燥!
於是火都黎埋, 個面口即係變左, 然後將手中既file有少少大力咁放在枱上, 相信旁邊既人應該睇得出我係火緊…
有d失禮…唉…但係我真係控制唔到果個moment既情緒…
搞完一輪, 旅行計劃看來都是泡湯, 不過christmas去邊度都凍, 我地又check得太遲, 都係等復活或暑假至去啦~~
睇睇校曆表, 原來下學期真係好鬼多假架喎, 一諗起咁樣, 依家點辛苦都抵返晒啦, 算啦! (唯有咁諗至有工作既原動力!)
年頭plan落自己想做既野, 有幾樣都做左, 包括轉做教師, 但係重有一樣未做, christmas去唔成旅行, 不如趁christmas搞掂埋佢啦~~
仲有好多野未做, 未上手之前堆積落仲有三篇文未改, 3x27=81, 救命, 下個星期又要作另一篇, 看來今日真係要清左佢! 都係offline然後開工啦! 哎~ 今天是星期天呀,天呀!
回應(3) | 回應的RSS | 暫時未有引用通告| (0)
