上星期六, 友人又有影相活動, 話去影日落喎~~ 嘩…好似好正喎… 但係專登為左影日落而山長水遠去尖沙咀, 對於我呢D一等一既懶人黎講, 係冇可能發生既事黎架!! 哈~~~ 雖然我冇去, 但係佢地影返黎D相又真係幾靚喎~~~

呢幅我最鐘意, 呢位同學你…貼左堂啦!! 哈~~

一年一度既書展, 今日去左啦~~ 與兩位友人分頭行事 (由於每人喜好不同, 在每一個counter停留既時間都相差很遠, 所以我地一向都採取各自為政既策略!). 行了三個鐘左右, 但我只行了hall 1, 比友人行少一個hall, 但anyway都有不錯既收穫~~

今年既書, 有些在上年既書展都見過 (仲要係我&我的友人上年都有買果d!), 例如five people meet in the heaven果類既書, 英文工具書等. 大部份既書都有八折, 我今年既收穫如下:

1.  <<一峰一人一結他>> :  

一峰的散文+結他簡譜集 (己經看完了, 嘻嘻~~). 結集了二十四首一峰的歌曲結他簡譜, 並分享每一首歌的創作過程或製作過程的點滴. 除此之外, 書的最後部份還簡介及分享了一張唱片的製作過程, 以及有一峰在造碟過程中的一些手稿. 當然也少不了他旅行時影下的風景或人物相片穿插其中~~

2. <<與CEO對話>>: 訪問香港十位來自不同行業的成功人士, 分享他們的經歷, 人生觀及管理哲學等. 因為記得曾經在亞視看過這類型的訪問節目覺得很正 (但不知道是否一樣), 於是很想買這本書來看.

3. <<沒什麼大不了Not a big Deal>>: 有八十個小單元, 透過每一個小故事 (一至兩頁左右), 帶出作者對生活的一些體驗或看法. 由於故事正如書名一樣, 都是一些輕鬆舒服的小文章, 不太heavy, 但又好像又能帶出一些小智慧和正能量的書, 所以買了來看 (不過原來友人上年也買了同一系列的另一本! 好彩是不一樣的~)

4. << English Idioms >>: 英文工具書, 買來惡補也~~

上年有d書買左未睇晒/過, 今年絕對唔可以俾同類事件再次發生~~

今晚去了睇<<你咪理，我愛你，死未!>>，這套劇的原著是百老匯音樂劇, 這次由阿祖-梁祖堯翻譯後, 由風車草的團員演出.

由於是載譽重演, 所以我是抱著較高的期望進場, 覺得上半場比預期中冇咁好睇 (其實是OK的). 但中場之後, 無論衣著,演技,音樂等都好似加重左碼, 非常正, 笑到我流眼水! 整體來說, 都是不錯的, 值得一看!

其實這劇是以現代男女為題材的喪玩愛情音樂劇, 劇中有21段獨立故事, 四位演員高速轉換不同鬼馬造型, 演繹65個在愛情路上奔跑的喪男喪女. 中場前, 以演繹結婚前的少男少女的現代愛情為主; 中場後, 便是演繹結婚後的男女的愛情生活, 由於中場以後有很多反串的角色, 而且有很多意外驚喜, 所以整體而言, 也很不錯呢~~ 

音樂方面, 有現場的鋼琴和小提琴伴奏, 不過個人認為琴聲的感染力未算最好, 可以做得更好的!

www.windmillgrasstheatre.com