| Home | 最新文章 | 登入 | 申請網誌

大出血@chevignon!!


前兩日發狂買左好多野, 除左買洗面用品 (..當然唔係淨係得洗面foam咁天真啦~), 點知路過見到Chevignon大減價,自己又想買褲,又見平日冇乜人咪去試下囉,點知….Shit…又好似好舒服咁喎又好似好抵好靚咁喎最後買左n樣野….俾錢果時自己差d都以為自己發左達, 因為我係未試過一次過買咁多褲同衫架我第一次咁癲架乍不過我都好耐冇買過衫啦一次過出血囉

前幾日, 有靈感到~~ demo製作中, 希望唔好又三分鐘熱度又變成了另一隻的pending demo…應承了網友的事情仍在pending…真係唔好意思希望下個星期有時間做





終於辭工了!


終於辭工了! 反來覆去, 總要下個決定, 既然要走係遲早既事, 咁不如早d了結左佢…終於了結左件心事, 但係一樣野結束左即係另一樣野既開始, 每一樣野的開始總有不安感, 但係唔試過就永遠都唔心息!! 都係果句, 我咁 low paid, 有咩博唔起!!

今日係另一個新學生的第一堂, 補中文的maths唔係好慣, 但係總算順利過渡…只要再多找四至五個學生左右, 己經差不多可以等如我現在的人工了….應該ok的! 還有些東西可以試試看…

resign左的那個同事, 昨日去見工, 今日便有好消息了…大家都好替佢開心, buying office, 正晒啦! 谷底反彈就係呢d, 事情往往峰迴路轉, 你以為佢係最down最唔好彩, 偏偏就是佢起死回生, 就樣係呢個世界最好玩既地方! 世事係冇絕對既!

很開心,偶然間認識了一個很喜歡寫詞的網友, 太好了! 己把她其中一段歌詞轉成了melody, 不過未有時間把vocal錄給她聽, 今個星期內應該得…但還要找個有心人去做編曲工作…應該也不難的…她也會試把我的曲填上歌詞….很期待…

算是一個很多新刺激的一個星期…



| 1