去南丫島要做足預防措施!! 如果唔係有d野發生左, 好後悔想補救都黎唔切架真係… 

講緊既咪係要搽太陽油囉…預防曬親丫嘛！話說星期日去了南丫島, 大清早八點半就起身, 因為要十點到碼頭, 好眼訓呀zzz…因為成三點半至去訓…但係自己又口衰，叫某朋友唔好放飛機，唔係黑名單佢，於是呢句話亦將自己推向死局，唔可以放返轉頭．．．不過好彩乍，唔係真係會去唔成，因為某朋友都係三點幾訓，本來都有ｄ想唔黎．．．哈！

記得上次去係同２４６同喵喵媽媽去，主要係行舖頭多，買左好多野，個ｔｒｉｐ明明好舒服架喎，點解今次咁辛苦架！！由於今次朋友們唔係咁行舖頭，而某朋友的步速又係我們的兩倍，所以我地ｈｅｒ下ｈｅｒ下之中，其實都算行得幾快！好彩佢都停下影下相乍，唔係真係．．哈！不過真係好曬好熱,覺得少少辛苦,明明記得冇乜上斜架喎…點解有咁多上斜架! 我本來諗住想曬黑d，咪唔搽囉太陽油，點知曬到紅晒，好彩有d野都可以事後補救既…就係搽凡士林的after sun gel,真係好得喎! 果晚搽左之後,即時退紅啦…真係冇介紹錯!

  

晚上直落去了朋友的生日燒野大會,識了很多朋友的好朋友,佢地其實都係朋友在HSBC的舊同事…被人話個樣一D都唔似呢個年紀,其實都有少少HURT架…其實可以用打扮去令自己個樣大個D既, 不過…哈哈…算吧啦~~

去完南丫島搭地鐵去燒野食既途中, 竟然俾我地見到明星呀(應該係無記拍劇)! 見到朋友的偶像natalie唐詩詠, 真係幾靚喎~ 同埋睇真d! 仲見到曹永廉tim呀!! 好好…好靚仔呀! 我同友人杜小姐幾乎失控, 唔係幾趕時間, 同埋醒起自己年紀唔細, 我諗我會衝左埋去叫佢簽名啦~ 係喎, 朋友有相機架喎, 早知影張相都好丫…哎~

(閱讀全文)