人生不如意事十常八九, 能將不開心不如意的事, 轉化成正能量和動力, 是很不容易的事, 但正正是把整個局面完全扭轉過來的關鍵, 是失敗和成功之間的分界線, 所以一切只在乎你自己的看法, 只要看得開, 再將動力轉化, 一切的問題都會比想像中容易解決, 容易處理…

情緒指數是處理問題的關鍵, 我會努力學習控制自己的情緒, 不要把負能量散開, 再把它轉化, 我會努力!

明天我會盡我所能, 做到最好, 要是失敗了, 也是一個experience, 沒有什麼大不了!

做人, 最重要的還是開心, 不要把自己鑽進牛角去啊~ 加油!

終於睇左期待以久的Gwen Stefani concert 啦, 四個字形容: 超..超..超正呀!!

我地坐的位置很好, 280飛既第一行仲要係正中喎! 真係多得kk在internet一開賣就買飛才買到咁好既位乍!

基本上係除左幾首慢歌我地係坐係度靜靜欣賞之外, 其餘都係企企企同跳跳跳同叫叫叫!!!

高潮位係gwen竟然衝左落個台下面,然後向我地平價飛既觀眾跑過黎呀!!!

o係我地d平價飛既觀眾己經失控咁衝落去既時侯, gwen又再跑去平價飛的左邊, 跟住仲爬上欄杆上近距離咁同我地唱歌tim呀!!!

好開心呀!! 好似我果d失控衝左落去右邊既觀眾, 就求其見坐位就企上去, 希望睇得佢清楚d mar!! 

成晚都好正, 她的live很好, 個mic離到超遠都超好聽, 快歌又跳又夠氣, 真係好鐘意佢!

雖然佢既舞冇fergie咁正, 但係佢除左唱快歌勁之外, 唱慢歌都超正, 很真實, 有點貼近聽一峰的那種感覺~~ 而事實上, 一峰也曾經返唱過她的”cool”, 也十分好聽啊!! (不過唔見到一峰同at17,唔知佢地有冇去呢?)

聽完concert出到黎, 我地至發現把聲原來沙左, 噢!

Rundown:

1. Sweet Escape, 2/ Rich Girl, 3/ Yummy, 4/ 4 in the morning 5/ Lucurious, 6/ Early_winter,7/ Wind it up, 8/ Danger Zone, 9/ Hollandback girl ,10/ Wonderful Life 11/ Now that u got it 12/ Breaking up 13/ Dont get it Twisted 14/Cool 15/Oranger country girl 16/ The Real Thing 17/Encore - What are you waiting for

我冇影photo, 不如睇人地果d~~呢個blog有好多, 仲影左好多明星:

http://hk.myblog.yahoo.com/jw!6QJMFM2aH06PJbWkQG5r/article?mid=3542

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

Gwen Stefani MV 推介 :

4_in_the_morning(一首很耐聽的慢歌): http://www.artistdirect.com/nad/window/media/page/video/0,,4113720,00.html

Cool (講述與ex bf再見亦是朋友的感受的歌曲, mv裏現在與舊回憶的片段互相交替, 比只聽mp3的感覺更蕩氣迴腸): http://www.artistdirect.com/nad/window/media/page/video/0,,3490497,00.html

(閱讀全文)

很久沒有update這個blog了, 原因是沒有心情, 沒有動力, 今天朋友說我很久沒有update, 才有一點點動力去update一下…

這陣子正在找工作, 不經不覺, 這個暑假差不多己經過了一個月啦, 只剩下半個月左右, 時間真過得快, 旅行返黎之後, 找工作己經找了兩三個星期了, 開始有點著急, 因為我的有薪假期快要完結啦, 真煩人~

不過很久沒有這樣heir了, 可以說是真正的休息, 無論在身體上或心靈上, 我的確需要這樣的一個休息, 這一年真的很辛苦, 我只能夠說我不能承受某種的壓力模式, 雖然知道再轉field真的好不容易, 但是勉強下去也不是一個好的解決方法, 我只能說這是我的最後決定…

這陣子買了很多東西, 真大鑊! 是relax,還是在減壓,還是在逃避問題, 我己經分不清, 反正買了之後開心些就是了, 使多d錢才有動力去找錢, 哈~

希望快點可以找到合心意的工作吧~ 在家真的超悶!

多謝同我慶祝生日同send message俾我的朋友, really thanks!

剛剛去完華東返黎, 好好玩, 原來中國有好多地方都好靚架~~ 頭三日在南京同無錫仲有靚仔導遊tim, 聽左好多關於每個景點既歷史(有靚仔導遊講解自然加倍留心,哈!)

有時跟旅行團就有呢個好處, 可以知道果個地方或建築物的歷史, 同埋可以欣賞到一些很細微的地方, 因為如果沒有導遊的講解, 自己參觀的話, 必然會把這些細微部分忽略過去啦~~

不過當然自由行亦有自由行的好, 可以free d, 不過我始終覺得回祖國都係跟旅行團比較好!

影左好多相, 以下係其中既好一小部分黎架乍, 係咪好靚呢??

(閱讀全文)

明天(11/6)有飛賣啦, 今日聽到呢個消息, 即刻打俾個friend的妹妹, 佢都勁想睇, 勁開心呀, 唔使一條友去睇啦, 最重要既係佢都係鐘意睇, 唔係陪睇果隻丫ma!

希望聽日買到飛!!

http://www.hkticketing.com/

這裏可能會擱置一段時間，不知道會有多久，可能永不回來，也可能很快回來。

這段日子，在不停反思，但好像還未找到出口，當我找到自己，便會回來。

謝謝來過這裏的人，我想我是會回來的。

(閱讀全文)

做了這份工作兩個多月了, 感到非常辛苦, 日日做足10個半鐘, 但係d野都係做極都做唔晒, 有時仲要帶d野返屋企做, 簡直想死!

成日都係度諗, 我咁辛苦到底為咩呢? 為理想? 又好似未至於喎! 我係幾鐘意做教師, 但係果種全心全力付出, 好似連自己都唔見左既感覺真係有d難受. 每一日做到死, 返到屋企淨係想訓, 放假又淨係想訓既感覺真係幾難受~~

連自己最喜歡既結他同跳舞, 都唔想做, 因為呢d都係需要用腦既活動! 自從做左呢份工之後, 每逢放假只係想做一d無意義, 同唔使做腦既野! 例如行下街買野, 或者冇野做周圍行下都好咁~ 唔係太鐘意呢種感覺….

為錢咩? 梗加唔係啦! 以我而家呢個工作量黎講, 我真係覺得唔係多錢囉! 咁唔係為錢, 又未至於去到話為理想, 咁我到底為d乜?? 經濟越黎越好, 教師更加唔係一個好pay的工作, 更何況而家做教師d人工低過以前好多…

我到底為d乜?? 呢個問題開始反覆咁o係我腦海出現…上網八下有咩工既freqency亦越黎越高…轉左呢份工之後, 我知好多親朋戚友都好戥我開心, 我再轉的話一定會令好多人失望…包括我屋企人…但係…如果我找到更好的…我想我一定會再轉, 雖然我都很累很想找一份工作安定下來…哎…

同埋…我只想身體健康…但係做左呢份工之後, 身體狀況直線下降….

我覺得生活唔應該係咁…